Սանահինի վանական համալիր. Միջնադարյան Հայաստանի հոգևոր և գիտական դարբնոցը
- VisitArmenia
- Mar 10
- 1 min read
Լոռու մարզի Ալավերդի քաղաքում է գտնվում հայկական ճարտարապետության գոհարներից մեկը՝ Սանահինի վանական համալիրը։ Հիմնադրվել է 10-րդ դարում Աշոտ Գ Ողորմած թագավորի կողմից։ Վանքի անվանումը ստուգաբանվում է որպես «սա նրանից (Հաղպատից) հին է»։ Այն եղել է միջնադարյան Հայաստանի խոշորագույն մշակութային ու կրթական կենտրոններից մեկը որտեղ գործել են բարձրագույն դպրոցը գրադարանը և գրչության կենտրոնը։
Համալիրն աչքի է ընկնում իր բարդ և ներդաշնակ կառուցվածքով։ Այն ներառում է հինգ եկեղեցի գավիթներ զանգակատուն և ճարտարապետական առումով եզակի մատենադարանը։ Հայտնի է իր բազմաթիվ խաչքարերով որոնց թվում է հանրահայտ «Ծաղկող» խաչքարը։ Վանական համալիրի տարածքում է գտնվում նաև Կյուրիկյան թագավորների տոհմական դամբարանը։ Ճարտարապետական լուծումները հատկապես մատենադարանի և գավիթների թաղակապ ծածկերը վկայում են հայ շինարարների բարձր վարպետության մասին։
Comments