Ստեփանավանի «Սոճուտ» դենդրոպարկ. Հայաստանի առաջին բուսաբանական այգին

Սոճուտ դենդրոպարկը գտնվում է Լոռու մարզի Գյուլագարակ գյուղի մոտակայքում։ Այն հիմնադրվել է 1931 թվականին լեհ բուսաբան Էդմոնդ Լեոնովիչի կողմից։ Այգին զբաղեցնում է շուրջ 35 հեկտար տարածք որից 17․5 հեկտարը բնական անտառն է իսկ 15 հեկտարը՝ տնկարկները։ Սա Հայաստանի առաջին բուսաբանական այգին է որտեղ փորձարկվել և կլիմայավարժեցվել են բազմաթիվ հազվագյուտ ծառատեսակներ։

Այգին հատկապես հայտնի է իր բուժիչ օդով հատկապես մայիս ամսին երբ տեղի է ունենում սոճիների փոշոտումը։ Այն հիանալի վայր է շնչառական խնդիրներ ունեցողների և բնության սիրահարների համար։ Դենդրոպարկում կարելի է տեսնել հազվագյուտ կալիֆոռնիական սեքվոյա մայրի և այլ էկզոտիկ բույսեր։ Այցելուները կարող են վայելել հանգիստը բնության գրկում զբոսնել գեղեցիկ ծառուղիներով և շնչել Լոռվա մաքուր օդը։